रमा माधवस्य प्रिया माधवी सा
क्षमा लोकमाता विरिञ्च्यादिवन्द्या ।
सदावीतरागस्य नित्यानुसङ्गा
पुराणाप्रमेयस्य नैकट्यधामा ॥
(भुजङ्गप्रयातवृत्तम्)
अर्थः
रमा इति ख्याता लक्ष्मीः सर्वं लोकं रमयति । माधवस्य नारायणस्य प्रिया सा । अत एव सा माधवी इत्यपि विश्रुता । सा सर्वं लोकं क्षमते भूरूपेण । लोकस्य अखिलस्य विश्वस्य माता जननी । अत एव सा ब्रह्मरुद्रादिवन्द्या ।
सदावीतरागः नारायणः सर्वगुणातीतः कर्मबन्धरहितः । तस्य नारायणस्यापि नित्यम् अनुवसति नारायणी रमा । पुराणपुरुषस्य अप्रेमयस्य नारायणस्य निकटे एव रमादेव्याः सर्वदा वासः प्रलयकालेऽपि ।
No comments:
Post a Comment